اھلِ قلم کے نام از سمیرا صدیق
کاغذ اور قلم اپنے سامنے رکھے۔۔۔۔وہ بدستور انہیں دیکھے جا رہی تھی۔۔۔۔اسے لکھنا تھا۔۔۔۔اپنے لیے۔۔۔۔اپنوں کے لیے۔۔۔۔اس مٹیالی دھرتی سے لے کر نیلگوں پھیلے آسمان کی وسعتوں تک۔۔۔۔
اس کے پاس لکھنے کی خاطر بکھرے موتیوں کی صورت بہت کچھ تھا۔۔۔۔لیکن ان موتیوں کو اپنے الفاظ کی لڑی میں پرونا اسے بہت مشکل لگ رہا تھا۔۔۔۔
کہ اچانک ہی۔۔۔۔شاعر کے الفاظ نے اس کے کانوں میں سرگوشی کی۔۔۔۔
لکھنا نہیں آتا تو میری جان پڑھا کر
ہو جائے گی تیری مشکل آسان پڑھا کر
اسےاپنی مشکل کا حل دکھائی دینے لگا۔۔۔۔یعنی لکھنے کے لیے پڑھنا۔۔۔۔
چہروں پہ لکھے درد کے عنوان پڑھا کر
تو قرب کے لمحات میں قرآن پڑھا کر
تو سرورکونین کے فرمان پڑھا کر
پڑھنے میں قرآن،صاحب قرآن محمد صلی اللّٰہ علیہ وآلہ وسلَّم کے فرمان اور قرآن جن کی جانب پیغام بن کہ آیاان کے دکھ۔۔۔۔
پڑھنے اور لکھنے کے اس حسین امتزاج نے اس کے دل ودماغ کو تقویت بخشی۔۔۔۔اوروہ اک نئے حوصلے۔۔۔۔اک نئے جذبے کے ساتھ سب سے خاص پڑھنے اور سب سے خاص لکھنے میں مصروف ہوگئی۔۔۔۔
سمیرا صدیق
.
*************