Complete Novel

بِسْمِ ٱللَّٰهِ ٱلرَّحْمَٰنِ ٱلرَّحِيمِ

ضحیٰ

رات کے اندھیروں سے دن کے اُجالوں تک کا سفر

(از قلم: اریبہ ندیم)

انتساب

اللہ کے نام جو میرا پہلا اور بہترین دوست ہے

کوئی بن گیا رونق پکھیاں دی

کوئی چھوڑ کے شیش محل چلیا

کوئی پلیا ناز تے نخریاں وچ

کوئی ریت گرم تے تھل چلیا

کوئی بُھل گیا مقصد آون دا

کوئی کر کے مقصد حل چلیا

ایتھے ہر کوئی فرید مسافر اے

کوئی آج چلیا، کوئی کل چلیا

جنوری (چند سال قبل)

یہ منظر ایک ویران کھنڈر نما فارم ہاؤس کا تھا جو شہر سے کافی فاصلے پر تھا۔ ایسا کہ اس پہ ایک نظر ڈالتے ہی تمہیں احساس گزرے کہ وہ یقینا بابا آدم کے زمانے کا ہو گا۔ کافی سے زیادہ پرانا اور زیر استعمال تو خیر ہرگز نہ تھا۔ کسی ہارر مووی کی شوٹنگ یا کسی کمزور دل انسان کا ہارٹ فیل کروانے کے لیے یہ جگہ اور علاقہ پرفیکٹ کہلائے۔

وہ سردیوں کی ایک دھند میں لپٹی سرد رات تھی اور ارد گرد کسی ذی روح کا گمان نہ ہوتا تھا۔ وہ دراز قد اور بلاشبہ مضبوط جگرے کا آدمی، ارد گرد سے بے نیاز جیبوں میں ہاتھ ڈالے، متوازن چال چلتا اس بھوت بنگلے نما فارم ہاؤس کے اندر داخل ہوا ۔ اطراف میں روشنی نہ ہونے کے برابر تھی۔ ایسے میں اُس کا چہرہ بھی ٹھیک سے دکھائی نہ دیتا تھا۔ البتہ چاند کی روشنی میں، چلتے وقت سایہ دکھائی دیتا تھا۔

وہ اندر داخل ہوتے ہی سامنے موجود ایک کمرے کی جانب بڑھا۔ پرانی بوسیدہ دیواروں پر جا بجا لگے بڑے بڑے مکڑی کے جالے، اردگرد بکھرے ٹوٹے پھوٹے فرنیچر پہ اٹی من بھر مٹی کو نظر انداز کرتے اس نے دروازے میں قدم رکھے اور نظر سیدھی سامنے موجود کرسی پر بیٹھے اس وجود پر پڑی جو رسیوں میں جکڑا تھا۔ اس نے اسکے اندر آتے ہی چہرہ اُٹھایا۔ وہ کمرہ بھی مکمل اندھیرے میں ڈوبا تھا مگر اس کمرے کے ایک طرف کھڑکی تھی ۔ کمرے میں موجود واحد روشنی کھڑکی میں سے آتی چاند کی مدھم سی روشنی کی تھی جو سیدھ میں سفر کرتی بس ایک ہی جگہ پہ آن ٹھہری تھی۔ آنے والے نے اپنے قدم اُسی مخصوص جگہ پہ رکھے تو اُسکا چہرہ واضح ہوا تھا۔ اب وہ رسیوں میں جکڑا شخص اسے دیکھ سکتا تھا۔

وہ ڈریس پینٹ اور شرٹ پہ سیاہ لمبا گھٹنوں تک آتا کوٹ پہنے کھڑا تھا۔ چہرہ خطرناک حد تک سپاٹ تھا۔ وہ اسے پہچانتا تھا۔ وہ کیا آدھا پاکستان اسے جانتا تھا۔ اُس سے کون واقف نہ تھا ؟ بس وہ خود کے یہاں لائے جانے کے مقصد سے نا واقف تھا۔

آپ ؟ آپ تو ۔۔۔

الفاظ ابھی منہ میں ہی تھے کہ اُس نے نگاہ اٹھا کر اسے دیکھا۔ اُسے لمحے بھر کو اِن آنکھوں سے خوف آیا تھا۔ ہر وقت نرم اور پرسکون رہنے والی وہ آنکھیں اس وقت اتنی سخت تھیں کہ الامان۔ وہ ایک بار پھر بمشکل ہمت کرکے بولا ۔

دیکھیں۔۔۔ میرا آپ سے کوئی لینا دینا ہی نہیں ہے پھر مجھے کیوں یہاں لائے ہیں؟

اُس نے بنا جواب دیے اوپر پہنا لمبا کوٹ اُتار کر سائیڈ پر رکھا اور سفید ڈریس شرٹ کے بازو کہنیوں تک موڑے۔ ہلکی روشنی میں کسرتی بازوؤں کی نسیں واضح ہوئیں۔ اس دبلی پتلی جسامت کے لڑکے کو بے اختیار اپنی ہڈیوں کی فکر ہوئی، مگر کوئی اسے اسکا قصور تو بتائے۔ سامنے والے نے تو دہشتناک تاثرات کے ساتھ منہ سی رکھا تھا۔

اس نے دیکھا ، ارد گرد نگاہ گُھما کے اب وہ کوئی شے تلاش کر رہا تھا۔ پھر آگے بڑھا، پرانے میز پر پڑا ایک موٹا ڈنڈا اٹھایا اور پاس پڑی ایک کرسی کھینچ کے اُسکے عین سامنے رکھ کر بیٹھا۔ ٹانگ پہ ٹانگ جما کر انہی سنجیدہ نظروں سے اسے ریکھا۔

اُسکے ہاتھ میں ڈنڈا دیکھ لڑکےنے خشک پڑتے ہونٹوں پر زبان پھیری اور بولنے کی ایک آخری کوشش کی گئی۔

آپ کو مجھ سے کیا چاہیے؟ مجھے کیوں رکھا ہے یہاں ؟

سنا ہے تمہیں لڑکیوں کو خوامخواہ پروپوز کر کے اُن کے پیچھے پڑ جانے کی بڑی گندی بیماری لاحق ہے

ایک ہاتھ میں ڈنڈا گھماتے اب وہ گھمبیر آواز میں بولا تھا۔ لہجہ خطرناک حد تک سنجیدہ اور ٹھہرا ہوا تھا۔

اسکے کہنے پر وہ چونکا۔ بے اختیار تھوک نگلا۔ اسے جیسے اب سمجھ آیا تھا، اور سمجھ آنے پر سردیوں کے اس ٹھنڈے موسم میں بھی ماتھے پر پسینے کی بوند چمکی۔

میری بات سنیں۔۔۔۔ میں عینہ کو۔۔۔

جملہ منہ میں ہی دم توڑ گیا۔ وہ جھٹکے سے اُٹھا اور پوری قوت سے ہاتھ کا مُکا بنا کر اسکے جبڑے پر دے مارا ۔ مُکا اتنا زور دار تھا کہ منہ میں خون کا ذائقہ تک گُھلتا محسوس ہوا۔ وہ کراہ کے رہ گیا۔

اپنی گندی زبان سے آئندہ اُسکا نام نہ لینا

وہ غرا کے بولا تھا۔ آنکھوں میں طیش تھا اور چہرے پر بلا کی سختی۔

اگلے ہی لمحے اُس نے وہ ڈنڈا ہوا میں لہرایا اور رسیوں میں جکڑے اس شخص کے ہاتھوں پہ مارا تھا۔ اسے ایسی جگہ لانے کے مقصد کی شروعات بالآخر اب ہو گئی تھی۔ اُسکی چیخیں بلند ہوتی جا رہی تھیں مگر وہاں سننے والا کوئی نہیں تھا۔ اتنا تو طے تھا ، آئندہ وہ کسی بھی لڑکی کو ہاتھوں میں پھول لیے پروپوز کرتا تو ہر گز نہیں پایا جانے والا تھا۔

اب اُس نے ڈنڈا زمین پر پھینکا۔ سانس غصے کی زیادتی سے پھول رہا تھا۔ چند گہرے سانس لے کے وہ آگے آیا، اُسکا چہرہ اُسی سختی سے پکڑا اور قریب کیا۔

دوبارہ اُسے تنگ کرنا تو دور ، ان غلیظ آنکھوں سے اُسے دیکھا بھی تو یاد رکھنا پھرکبھی دنیا دیکھنے کے قابل نہیں رہو گے

جھٹکے سے چہرہ چھوڑ کر اپنا کوٹ ہاتھ میں اُٹھاتا وہ باہر آیا۔

اندر وه نیم بیہوش سا گِرا ہوا تھا اور باہر اب پہلے سے اُسکا ایک آدمی موجود تھا۔

میک شیور یہ منہ بند رکھے

اتنا کہتے ہوئے وہ فارم ہاؤس سے نکل کر گاڑی میں بیٹھ گیا۔ چہرے کے تاثرات عجیب اور نا سمجھ آنے والے تھے۔

وہ چند لمحے گہری سوچ میں ڈوبا رہا۔ پھر گاڑی اسٹارٹ کی اور آگے بڑھ گیا۔ آج سے دل، جذبات ، سوچ ، ترجیحات، حتیٰ کہ زندگی بدلنے والی تھی۔ اس پہ آشکار ہوا یہ انکشاف معمولی نہیں تھا۔

ـــــــــــــــــــــــــــــــــــــــــــــــــــــــــــــــــــــــــــــــــــــــ

میری قسمت میں بھی ایسا کوئی سجدہ کر دے

جو میرے سارے گناہوں کا مداوا کر دے

ساری دنیا سے چرا کر مجھے اپنا کر دے

میری مٹی کو خدایا سونا کر دے

میں تیرا چاہنے والا ہوں مگر ہے حسرت

جن کو تو چاہتا ہے مجھ کو بھی ویسا کر دے

ایک نظر اپنے گناہگار پہ کر کے مولا

اپنی رحمت کا حق دار ہمیشہ کر دے

یہ پاکستان کے دل لاہور کے ایک پوش علاقے میں واقع سفید ٹائلوں اور سیاہ پتھر والی خوبصورت مسجد کے بالکل برابر والا دو منزلہ گھر تھا۔ رات کی اس گہری خاموشی میں ارتعاش گھر کے نچلے حصے میں واقع ایک کمرے کے مسلسل بجتے الارم نے پیدا کیا تھا ۔ کمرے میں ہلکے نیلے بلب کی مدھم سی روشنی جل رہی تھی۔ شدید سردی کے موسم میں نرم و گرم بستر میں دبکا وہ وجود الارم کی اس ہتھوڑے برساتی آواز سے جھٹکے سے اُٹھا۔ خوابناک اندھیرے میں اس نے ہڑبڑا کے ادھر اُدھر ہاتھ مارا اور آدھ کھلی آنکھوں سے الارم بند کیا۔ کمبل کندھوں سے سِرک کر نیچے آیا تو ہڈیوں میں گھستی سردی نے دانتوں کو آپس میں بجنے پہ مجبور کر دیا۔ اُس ڈھیٹ نے بجلی کی بچت کرتے ہوئے ہیٹر آج پھر نہیں جلایا تھا، اُس پہ کمال یہ کہ کمرے کے دائیں جانب بنا پول کی طرف جاتا شیشے کا دروازہ بھی آدھا کُھل رکھا تھا۔ اور باہر شاید آج بونداباندی بھی ہو رہی تھی ۔ وہ دوسروں کے معاملے میں جتنی ذمہ دار تھی خود کے معاملے میں اتنی ہی لاپرواہ۔ خمار آلودہ آنکھوں سے اس آدھ کھلے دروازے کو دیکھتے سستی سے ماتھے پہ ہاتھ مارا۔

کمبل پرے دھکیلتے بالوں کا ڈھیلا سا جوڑا بنا کے انھیں سمیٹا۔ پاس پڑا اپنا دوپٹہ اُٹھا کر کچھ دعائیں پڑھیں اور اُٹھ کھڑی ہوئی ۔ باتھ روم گئی تو آنکھیں ابھی تک نیند کا شکار تھیں۔ مرے ہاتھوں سے واش بیسن کی ٹونٹی کھولی اور ابھی ایک ہاتھ ہی نیچے رکھا تھا کہ کرنٹ کھا کر ہاتھ واپس کھینچا۔ آنکھیں اب پوری کُھل چکی تھیں، نیند غائب تھی۔ ماتھے پر پھر سے بے اختیار زور سے ہاتھ مارا گیا۔ وہ رات میں پھر گیزر آن کرنا بھول گئی تھی۔ اُف اُف وہ اتنی بُھلکڑ کیوں تھی۔ چاچو کو پتا چلا تو پھر ناراض ہوں گے۔ انہوں نے کتنی ہی بار اس سے کہا تھا کہ جب استعمال کرنا ہی ہے تو بند کرنے کی ضرورت ؟ لیکن اُسکا کہنا تھا کہ خوامخواہ بجلی ضائع کرنے کی ضرورت؟ وہ آگے سے خاموش ہو جاتے تھے۔ اس سے اس گھر میں کوئی بحث نہیں کر سکتا تھا ، یہ تو طے تھا۔ مگر ہر کام کرتے وقت وہ رج کے اپنا پھوہڑ پن بھی دیکھائے گی یہ بھی طے تھا۔

کچھ منٹ تک وہ سوچ میں پڑی رہی، اب کیا کرے ؟ کیا اسے آن کر کے واپس جا کر سو جائے ؟ الله الله نہیں ۔ شیطان کا تو کام ہوتا ہے اِس طرح کے اُلٹے حل دماغ میں ڈالنا۔ اصل مومن تو وہ جو اسے جھٹک کر سیدھے کام کرے۔ اب وہ خود کے ساتھ ہی محوِ گفتگو تھی۔ ساتھ میں واپس ٹونٹی بھی کھول رہی تھی۔ خود کو موٹیویٹ کرنے کا طریقہ اچھا تھا۔ ماشاءاللہ ۔

تم ایک مسلمان لڑکی ہو عینہ- تم ٹھنڈے پانی سے ہرگز نہیں ڈرتی

کہتے ہی ٹھنڈے پانی سے وضو کیا پھر خود کو خود ہی داد دیتی کمرے میں داخل ہوئی۔ ہاں البتہ چاچو کو وہ نہیں بتائے گی کہ اُس نے یہ کارنامہ انجام دیا ہے۔

وضو کر کے وہ کمرے میں داخل ہوئی تو اُسے یکدم اپنا سانس اُکھڑتا ہوا محسوس ہوا۔ وہ تقریباً بھاگتی ہوئی بیڈ سائیڈ ٹیبل تک گئی اور دراز میں سے انہیلر نکالا۔ آہ۔۔ اُسے ایستھما تھا اور زیادہ سردی میں یہ مسئلہ شدّت اختیار کر جاتا تھا۔ اُس پر کارنامہ یہ کہ محترمہ ٹھنڈے پانی سے وضو کر آئی تھی۔

سانس بحال کرنے کے بعد اُس نے کمرے کا ہیٹر آن کیا۔ ٹمپریچر کچھ بہتر ہوا تو گہرا سانس بھرتی سوئچ بورڈ تک گئی اور کمرے کی بتّیاں جلائیں۔ لائٹ کے آن ہوتے ہی وہ سارا کمرہ روشنی میں نہا گیا تھا۔ وہاں کی دیواریں ہلکے گلابی اور سفید رنگ کی تھیں جو صحت پر ایک خوشگوار سا تاثر چھوڑتی تھیں۔ فرنیچر کے نام پر بس ایک سفید رنگ کی الماری اور درمیانے سائز کا بیڈ تھا جو کہ عام بیڈ کے مقابلے گول شکل کا تھا اور اُس کے دونوں اطراف میں سفید رنگ کے پردے مہارت سے اٹکا کر اُس کو واقعی کسی شہزادی کے بستر کی سی شکل دے رکھی تھی۔ ڈریسنگ ٹیبل کے بجائے ایک لمبا سا بیضوی شیشہ بیڈ کے عین سامنے والی دیوار پر لٹکا ہوا تھا۔ اتنے نفیس گھر کے برعکس گھر کے اس ایک کمرے میں موجود اشیاء کی تعداد سے اس کی مالکِن خاصی کنجوس معلوم ہوتی تھی لیکن اُسی کمرے میں موجود بڑی سی بُک شیلف اور اُن میں لا تعداد رکھی کتابوں کے ڈھیر کو دیکھ کر تمہیں اندازہ ہو کہ وہ لڑکی اپنے سارے پیسے کا اصل میں کرتی کیا تھی۔

لائٹ کے آن ہونے سے اب کے روشنی میں اُس کے کپڑوں کا رنگ واضح ہوا تھا۔ اُس نے سیاہ رنگ کی لمبی، گھٹنوں سے نیچے آتی قمیض کے ساتھ کھلا سا ٹراؤزر پہن رکھا تھا۔ درمیانے قد کاٹھ پر وہ لمبی قمیض اچھا تاثر چھوڑتی تھی۔ وہ کوئی بہت دبلی پتلی نہیں تھی تو بہت موٹی بھی نہیں تھی۔ اُسے تم ایک صحت مند جسامت کہہ سکتے ہو۔

خوشخبری) رائٹرز متوجہ ہوں(

ہر لکھاری کا خواب ہوتا ہے کہ اس کی تحریر کتابی صورت میں بھی شائع ہو اور ان کی کتاب بک شیلف کی زینت بنے۔ اگر آپ بھی ایک لکھاری ہیں اور اپنی تحریر کو کتابی شکل میں لانا چاہتے ہیں تو ہم سے رابطہ کریں۔ ہم آپ کی تحریر کو بہت کم ٹائم اور بہت مناسب قیمت میں آپ کی خواہش کے مطابق بہت عمدہ اور معیاری کوالٹی میں کتابی صورت میں شائع کرنے میں آپ کی مدد کریں گے۔

مزید معلومات کے لئے نیچے دیئے گئے ایڈریس پر ابھی رابطہ کریں۔

Prime Urdu Novels Publications

Whatsapp : 03335586927

Email: aatish2kx@gmail.com

چھوٹے چھوٹے قدم لیتی وہ ذرا آگے آئی اور آئینے کے سامنے کھڑی ہوئی جس میں اس کا عکس جگمگا رہا تھا۔ نکھرا ہوا صاف اور بے داغ چہرہ اس وقت گیلا تھا۔ گول چہرے کے ایک گال پر سیاہ تِل تھا جو اس کی اُجلی رنگت میں مزید واضح ہوتا تھا۔ صد شکر! آئلی اسکن موسمِ سرما کی وجہ سے فی الحال بے داغ تھی ورنہ گرمیوں کے آتے ہی اس قسم کی جلد چہرے کو چند دانوں سے ضرور اپنا شرف بخشتی۔

اس چہرے کے نقوش عام سے تھے، اتنے عام کہ ایک سرسری سی نگاہ اس پر ڈال کر بھول جایا جائے، لیکن وہاں چھائی سادگی اور معصومیت کے ساتھ سب سے خوبصورت چیز تھیں اس کی سُنہری آنکھیں۔ اُسے ایک بار رُک کر دیکھنے پر مجبور بس وہ آنکھیں ہی کرتی تھیں جو دھوپ سی چمکتی پورے چہرے کو روشن کرتی تھیں۔

وہ عنائرہ تھی، بالکل اپنے نام کے جیسی۔

خود پر ایک نظر ڈالتے وہ الماری کی طرف بڑھی اور وہاں سے ایک بڑی سی چادر نکالی۔ چادر کا رنگ بھی خیر سے سیاہ ہی تھا۔ جانے لڑکیوں کو لباس کے معاملے میں سیاہ رنگ سے عشق کیوں ہوتا ہے۔

چادر سے حجاب بناتے اُس نے جائے نماز پکڑی اور تہجّد کی نیّت باندھتی کھڑی ہو گئی۔ یہ اُس کے معمول کا حصہ تھا۔ تہجد کے بعد قرآن پڑھنا، پھر پوری فجر کی آذان سن کر نماز ادا کرنے کے بعد ہی وہ وہاں سے اٹھتی تھی۔ آج جمعہ تھا، لہذا سورۃ کہف بھی پڑھنی لازمی تھی۔

نماز کے بعد دعا کیلئے ہاتھ اٹھانے لگی کہ ایک ہاتھ بے اختیار دوسرے بازو پہ، کلائی سے نیچے آکر رکا۔ حرکات یکدم سست ہوئیں، ہر بار ہی ہو جایا کرتی تھیں۔ آنکھیں بند کرکے گہرا سانس لیتے اس نے ہاتھ بازو سے ہٹایا اور دعا مانگتے لگی اور شاید یہی وجہ تھی، دعا میں وہ اپنے لیے ہر روز سب سے پہلے ہدایت مانگا کرتی تھی۔

معمول سے ہو کر کمرے سے باہر نکلی تو پورا گھر اندھیرے میں ڈوبا تھا۔ لیکن وہ جانتی تھی اس وقت ایک کمرے کی لائٹ یقیناً جل رہی ہو گی۔ قدم اُسی جانب بڑھے۔

ـــــــــــــــــــــــــــــــــــــــــــــــــــــــــــــــــــــــــــــــــــــــ

وہ کمرے کے دروازے پر آکر رکی ۔ آہستہ سے دروازہ کھولا اور اندر داخل ہوئی۔

وہ وہیں کرسی پر بیٹھے کتاب پڑھ رہے تھے۔ فجر کے بعد وہ اکثر کوئی کتاب پڑھتے تھے اور کتابیں بھی ساری اسی کی تجویز کردہ ہوتی تھیں۔ اُنہوں نے سر اُٹھایا اور اسے دیکھ کر مُسکرائے۔

سرخ و سفید رنگت، ہلکی داڑھی کے بال اب سُرمئی ہو چکے تھے۔ چمکتی سیاہ آنکھیں اور چہرے پر ایک محبت بھری مسکراہٹ۔ وہ اسکے چاچو تھے۔ اس کے جان سے پیارے چاچو۔

وہ اندر چلی آئی تو اس کے آتے ہی انہوں نے چشمہ اُتار کر ہاتھ میں پکڑا۔

آ گئی میری بیٹی ؟

جاگ گئے میرے